Pakpattan: Bar e sagheer Hindustan aur Pakistan ke azeem sufi buzurag hazrat Baba Fareeduddin Masood Ganj Shakar rehmat Allah ullah aleh ke 777 wan salana Urs mubarak ki taqrebaat jari hain. Qadeem rasomaat sajadah nasheen Dewan Modood Masood Chishti ney senkron Sajjadgaan khandan chisht aur aqeedat mand ke hamrah ada kee. Khatam showhdaye karbalaa aur khatam khwaja khwajgan ke baad darbaar ke rasmi qawalon ney silsila chisht ki Maroof rasam qawali ada ki.
Mazaar par phoolon ki chadar charhai aur Mulk ki salamti o khushhali ke liye khusoosi Duayen mangi gayeen. Dewan Modood Masood Chishti ney zaireen mein baba Fareed ke riwayati tabarruqaat cheeni, shakar, Makhani aur Matti ke doliyon mein sharbat aur special tayyar kiye gay jalay taqseem kiye. Mulk o beron Mulk se zaireen ki aamad ka silsila jari hai. Darbaar par aqeedat mand quran pak ki taliwat nawafil aur Fatiha khawani bhi kar rahay hain.
Urs ke mauqa par zaireen ke liye security ke sakht intizamaa kiye gay hain. CCTV camera lagaye gay hain. anay walay zaireen ko walk through gate se guzaar kar jama talashi ke baad ihata darbaar mein jane diya ja raha hai. Kisi bhi nakhushgawaar waqea se bachney ke liye muqami intizamia ki janib se khatir khuwa intizamaat bhi kiye gay hain.