New Delhi: Indian Union Muslim League, Muslim Youth League aur Muslim Student Federation ne Hathras aur Andhra Pradesh ki mutasirah ke liye insaaf ka mutalba ko leker kal yahan Jantar Mantar par ehtajaji muzahira kiya. Indian Union Muslim League ne Hathras aur Andhra Pradesh mein hue esmat raizi, Malyalam sahafi Seddiq Kappan ki giraftari, University talba ki giraftaryan aur Delhi tashadud muamlay mein Delhi police ke zareya masoomon ko giraftar kiye jane ki mukhalifat aur muzammat karne ke liye guzashta 10,11,12 October 2020 ko mulk bhar ke mukhtalif shehron mein 100 ehtajaji muzahiron ke zareya ehtijaj darj karne ka elaan kiya tha.
Jantar Mantar par Indian Union Muslim League, Muslim Youth League aur Muslim Student Federation ka ehtajaji muzahira
Is muhim ka ekhtataam kal New Delhi Jantar Mantar par muzahira kar ke kiya gaya. Is ehtajaji muzahirey mein maheman muqarrar Senior sahafi aur karkun mohtarma Bhasha Singh, Indian Union Muslim League ke qaumi general secretary Khurram Anees Omar, Delhi Pradesh sadar Nisar Ahmed, General Secretary Sheikh Faisal, Naib sadar Mohammad Nizam, Muslim Youth League ke National General Secretary CK Sabir, Qaumi naib Sadoor Asif, Ansari, Faisal Babo, Qaumi Khazen Mohammad Younus, Qaumi Executive Committee ke member shibo Mira, Delhi Pradesh sadar Mohammad Shahzad, Muslim Student Federation qaumi sadar TP Ashraf Ali, Qaumi naib sadar PV Ahmed Saju, Qaumi Joint Secretary Shah Mir aur Delhi, Uttar pradesh, Kerala aur Tamil Nado se party kaarkunon ne hissa liya.
Andhra Pradesh ke Karnool se talluq rakhnay wali Parvati Devi jin ki beti ka bhi 2017 mein esmat raizi aur qatal kiya gaya tha, Woh bhi khandan ke bohat saaray afraad ke sath sahreek is ehtijaj mein shareek huven. Woh pichlle 3 saloon se apni beti ke liye insaaf ka mutalba kar rahay hain. CBI enquiry ka mutalba karne woh Delhi aaye thay lekin BJP ki bahri aur goongi hukoomat kuch karne ko tayyar nahi hai. Andhra Pradesh ahle khana ke sath bhi waisa hi ho raha hai jaisay Hathras mein hukoomat khud hi esmat darri karne walon aur qatilon ki hifazat kar rahi hai.