Chandigarh: Haryana ke Panipat shehar mein 2 nojawanoun ne chalti Car mein 15 sala bachi ke sath ejtemayee esmatdari ki. Gayarhavi jamaat ki taalib ilm ek park ke qareeb be hoshi ki haalat mein payi gayi. Baad mein jummay ki raat ko usay niji hospital mein daakhil karaya gaya tha.
Police Superintendent Sumit Kumar ne media ko bataya ke dono mulzimoun ko giraftar kar liya gaya aur waardaat mein istemaal honay wali Car qabza mein le li gayi hai. Mutasirah ladki ke bayan par hindustani tazirat nama (IPC ) aur POSCO Act ke tehat muqadma darj kiya gaya.
Mutasirah ladki jummay ke roz Tution Classes mein shirkat ke baad wapas nahi aayi. Der shaam is ke kunba ko maloom huwa keh wo Model Town ilaqay mein be hosh padi thi. Police ne bataya ke ek mulzim usay jaanta tha aur usay apni saalgirah mananay ke liye mauqa waardaat par bulaya. Ek Car mein sharaab pi rahay 4 nojawanoun ne usay sharaab noshi par majboor kiya aur wo be hosh ho gayi.
Baad mein usay 2 nojawanoun ki janib se Car mein le jaya gaya aur chalti gaadi mein un dono ne is ki esmatdari ki gayi. Jurm karne ke baad, Mulzmin ladki ko park ke qareeb be hoshi ki haalat mein chode kar chalay gaye, Jahan is ki scooty khadi thi. –YTN STAFF