Hyderabad: Telangana High Court ne wazeh kiya ke Corona mamlaat mein is ke ek bhi hukum par amal nahi kiya gaya. Adalat ne kaha ke is ke ehkamaat ko nazar andaz kiya gaya. Is ne barhami zahir karte hue kaha ke 8 June se hukkaam ne ek bhi hukum par amal nahi kiya. Ehkamaat par amal karne mein kyun dushwari horahee hai, Is ki wajah batayi jaye? Adalat ne aitraaz karte hue kaha kay guzashta roz jari kardah corona ka media Bulletin bhi munasib nahi tha. Is mein bhi munasib tafseelaat nahi hain.
Ek bhi ohdedar hamaray ehkaam par amal kyun nahi karra ha hai. Is maamla mein kiya kiya jaye, Kal Chief Secretary se pujha jaye ga. Adalat nay is maamla ki aindah samaat kal tak ke liye multawi kar di. High Court ki haidayat par itwaar se reyasti hukoomat corona ke media Bulletin ko naye Format mein jari kar rahi hai.