Hyderabad: Ek janib Hindustan mein aam intikhabaat ki tayyariyan urooj par hain aur Telangana mein 11th April ko raye dahi ke liye tayyariyan bhi mukammal ki ja rahi hain lekin doosri janib garmayi tatilat ki wajah se raye dahi ki feesad mein giravat ka khadsha bhi zahir kiya ja raha hai,
Junior colleges ko pehlay hi garmayi tatilat mil chuki hain jabkay 13th April se schooloun ko bhi tatilat mil jayen gi lehaza tatilat ke douran hyderabad Malkajgiri aur Chevella mein raye dahi ka feesad kam honay ka khadsha zahir kiya ja raha hai kyunkay yahan ki ziyada tar abadi dosray ilaaqon se aakar abad honay walay afraad par mushtamil hai .
Raye dahi ki feesad mein kami ka khadsha is liye bhi zahir kya ja raha hai kyunkay Telangana mein 11 April ko intikhabaat munaqqid shudni hain jabkay schoolon ke liye 12 April kaam ka aakhri din muqarrar kiya gaya hai lekin jin schoolon mein raye dahi ke liye marakaz qaim ke gay hain inhen raye dahi ke intizamaa ke liye ek din qabal tateel bhi di ja sakti hai ya adhay din ki tateel ka ihtimaam kiya ja sakta hai taakay raye dahi ke intizamaa ko mukammal kar liya jaye is lehaaz se 10th April ko bhi tateel ka imkaan hai. hukoomat ki janib se agar ek din pehlay se hi garmayi tatilat ke aaghaz ka elaan kya jata hai to phir raye dahi se qabal hi hyderabad ke alawa deegar do ilaaqon ke woh awam jo aabadi ilaaqon ka tatilat mein rukh karte hain woh intikhabaat se qabal hi –apne maqamat rawana ho satke hain .
Hyderabad schools parrents Association ke Ashish reddy ne kaha ke mojooda sorat e haal aur garmayi tatilat ke douran intikhabaat ka munaqqid hona zahir kar raha hai ke awam tatilat mein –apne aabadi maqamat ko rawana honay mein jaldi kar satke hain jis se raye dahi ke feesad mein giravat aa sakti hai.
Yahan is baat ka tazkara bhi ahem hai ke Kukatpally , sri Lingampally , Malkajgiri qutub Allah poor, sanat nagar, Bowenpally , Hashmat pet aur deegar ilaaqon mein aisay afraad ki badi tadaad mojood hai jo Andhra Pradesh aur Telangana ke deegar azlaa se talluq rakhnay ke alawa Hindustan ki deegar reyaston se bhi yahan mulazmat aur tijarat ke paish e nazar muqeem hain, jo garmayi tatilat mein aksar –apne aabadi maqamat ke liye rawana ho jatay hain. un tamam halaat ko bunyaad banakar yeh khadsha zahir kiya ja raha hai ke shayad Secunderabad halqay mein raye dahi ka feesad kam ho .- YTN STAFF