Hyderabad : Riyasat-e- Telangana ke halqa lok sabha Nizamabad , jahan se Telanagna ke wazeer-e-aala KCR ki Dakhtar K Kavitha sameit 185 Umeedwar maidan mein hain, sirf EVM ke zareya hi raye dahi karai jayegi. Election Commission ne ye elaan kiya .
Aisi qiyaas aarayan ki ja rahi theein ke mazkoorah halqa mein Ballot papers ka istemaal kiya ja sakta hai. jahan badi tadaad mein kisaan apne masail ko ujagar karne ke liye azad umeed waaroun ke tour par intikhab lad rahay hain .
K Kavitha is halqa se dobarah intikhab lad rahi hain. jabkay congress ne phir se Madhu Yaskhi Goud ko maidan mein utaara hai. Election Commission ne Telanagna ke cheif Election Commission M3 EVMs ke zareya intikhabaat karwane ke intizamaa karne ki hidaayat di hai. jis mein tamam 185 umeedwaroun ke naam aur intikhabi nishanaat ko adjust kar satke hain .
Election Commission ne Electronics Corporation Of India LTD ( ECIL ) ko 26, 820, Ballet units, 2240 control units aur 2, 600 M3 VVPATS faraham karne ka hukum jari kiya hai .-YTN STAFF