Hyderabad: Greater Hyderabad municipal corporation ( GHMC ) ke intikhabaat mein tawaquaat se ziyada behtar muzahira karne wali opposition jamaat BJP ke khaimon mein abhi jashnn ka mahol urooj par pohancha bhi nahi hai ke ek goshay se gham ki lehar daudh gayi kyunkay unka ek corporator apne ohday ka halaf lainay se qabal hi corona ki wajah se mout ki neend sogaya hai. Is khabar ne sirf BJP ke khaima mein hi nahi balkay Hyderabad ke siyasi halqon mein gham ki lehar doda di hai.
BJP ki ticket par corporator muntakhib honay walay Ramesh Goud jo haal hi mein BJP ki taraf se muntakhib hue thay, guzashta raat corona ki wajah se inteqaal kargaye. Woh abhi tak corporator ki haesiyat se halaf nahi utha paye thay. GHMC intikhabaat jeetnay ke 3 din baad Ramesh Goud ki corona report misbet aayi. Inhen Gachibowli ke AIG dawakhane mein ilaaj ke liye daakhil karwaya gaya tha. Jumeraat raat unhon ne aakhri saans li halaanke woh wahein zair-e-ilaaj thay.
Ramesh Goud ke achanak inteqaal par sadme ka izhaar karte hue Telangana BJP ke sarbarah bandi sanjay ne izhaar-e-taaziyat kiya aur sogwaar kumba ke liye hamdardi ka izhaar kiya. Unhon ne is mauqa par kaha hai ke yeh party ka bohat bada nuqsaan hai kyunkay Ramesh Goud ek purazm, mazboot rehnuma thay. Ramesh Goud party ki taraf se di gayi zimma darion ko dil se poori karte thay.