Talba ko Scholarship, Aqlitoun ke liye 550 Crore Maharashtra ki hukoomat ki janib se manzoor
Mumbai: Maharashtra ki Shive Sena, Congress, NCP par mushtamal Maha Vikas Aghadi wali makhloot hukoomat ne apne phela Budget pesh kiya ju ke 9510 crore ke khasaray ka budget hai aur is budget mein hi Petrol Diesel ke damoun mein 1 rupiya izafah kiye jane ka elaan kiya gaya hai sath hi sath aqlitoun ki falah o behbood ke liya pehli martaba rk khateer raqam 550 Crore rupiya mukhtas kiye jane ka elaan kiya gaya hai jis mein aqliati talba ke liye nai taleemi o tayeef ka bhi elaan kiya gaya hai.
Reyasti Assembly mein ye budget aaj yahan naib wazeer e aala wezeer maliyat Ajit Pawar ne pesh kiya jab ke qanoon saas counsel mein reyasti wazeer maalyaat Shambhuraj Desai ne pesh kiya. BJP ki sabiq hukoomat ne aqliati falah ke liye 350 crore rupiya mukhtas kiya tha jabkay Uddhav Thackeray ki qayadat wali is hukoomat ne aqlitoun ke liye 550 crore rupiya diye jane ka elaan kiya hai. Is raqam se aqlitoun ke liye falah ke liye Maulana Azad Muft Taleem, Dr Zaker Hussain Madrassa, Modernization Scheme, Waqf Board, Pri Metric Scholarship Scheme, Aqliati talba ke liye nai Schemes, Aqliati talbat ke liye Girls Hostel mein muft khana dastyab karwana aur deegar shaamil hain.
Uddhav Thackeray hukoomat ne Mumbai se mutasila Mumbra nami ilaqa mein naye Hajj House taamer kiye janay ka bhi elaan kiya hai. Hukoomat ne aqliati talba ko beroun mulk ja kar alla taleem haasil karne ke zamray mein bhi taleemi o zayaf diye janay ka elaan kiya hai. Budget ke mutabiq aqliati talba ko pasmandah tabqaat ke talba ke tarz par taleemi o zayaf diye janay ka faisla kiya gaya hai. Jis mein beroun mulk ja kar Diploma, Degree, Post Graduate ki degree shaamil hain.
Aalmi shohrat yafta Haji Ali Dargaah ki tazayen kaari ke liye bhi ek jamia mansoobah tayyar kiye janay ka elaan bhi kiya gaya hai. Isi terhan se Marrage mein waqay Dargah Hazrat Alhaj Khwaja Sufi Majidul Hasan Shah Hasani tazayen kaari ke liye bhi zurori fund mukhtas kiye janay ka elaan kiya gaya hai. Maharashtra ke budget mein ek janib jahan kisanoun ke karzz maaf karne ke liye kayi Schemes ka elaan kiya gaya hai wahein doosri janib nojawanoun ko rozgaar dastyab karaye janay ka elaan bhi kiya gaya hai.
Hukoomat ne Maharashtra Apprenticeship scheme nami ek scheme tyar kiye janay ka elaan kiya hai jis mein kam az kam Metric paas ek lakh se zayed nojawanoun ko sanati tarbiyat di jaye gi aur inhen mahana 5 hazar rupay bhi diya jaye ga. Hukoomat ne Kolhapur, Ratnagiri, aur Amravati mein naye Airport taamer kiye janay ka elaan kiya hai jis ke liye 87 crore rupiya manzoor kiya gaya hai. –YTN STAFF