Bhavnagar: Wazer-e-Azam Narendra Modi ki aabadi riyasat gujrat mein BJP ke riyasti sadar Jitu Vaghani ke betay Meet Vaghani ko college ke imthehaan mein naqal karte hue girftar karliya gaya. Vaghani ke betay meet apne aabadi shehar Bhavnagar ke -swami vivek anand college of computer sciences mein bachelor of computer applications ke dosray semester ke taalib ilm hain.
Wo MJ college of commerce mein imthehaan dete waqt mobayyana tor par naqal karte hue pakdae gaye. inhen college ke principal Kanjibhai Vataliya ney pakda aur is baat ki ittila Bhavnagar university ke wise chancellor ko di gayi. pehlay is muamlay ko dabanay ki koshish ki gayi lekin batalya ki sakht muaqqaf ki wajah se muamlay ko mutaliqa examination committee ko saump diya gaya .
Is waqea ke baad Vaghani ney media se kaha ke aisay muamlay mein jo karwai aam talba ke sath ki jati hai waisi hi un ke betay ke sath bhi honi chahiye. halaanke yeh maamla abhi committee ke paas hai lekin un ke khandan ney yeh faisla kiya hai ke aaj se meet imthehaan mein shaamil nahi honge .
Is douran intikhabi mahol ke douran paish aeye is waqea ko BJP ke liye sharamnak qarar diya ja raha hai. congress ke ek leader ney kaha ke yeh Gujrat – mein BJP hukoomat ki taleem aur imthehaan ki policy mein bad unwani ki wazeh misaal hai. aur is se yeh wazeh hogaya hai ke khud ko chokidaar batanay walay BJP leader asal mein chor hain .-YTN STAFF