Ahmedabad: Gujrat mein bankoun ke ATM loot ki kam az kam 11 wardaton mein mulawis bunyadi tour par Haryana ke mewat zila se talluq rakhnay walay badmashoun ke ek gang ke boss ko rajsthan ke jodhpor zila ke malar gaoun se giraftar karliya gaya hai.
Mashriqi katch zila police ki SP ne yeh ittila dete hue kaha kay 3 July ko yahan ATM ko todh kar 28 laakh se ziyada ki naqd raqm lotney ke muamlay ki tehqiqaat ke douran pata chala ke is gang ka boss Hashim uddin A Khan ( 46 ) aaj kal rajsthan ke malar gaan mein hai jis par karwai karte hue usay girftar karliya gaya hai.
Yeh group gujrat ke Ahmedabad, Vadodra, Surat , panch mahal, Bharuch , katch aur banas kantha zila mein ATM loot ke kam az kam 11 waqeat mein shaamil tha. giraftari ke baad yahan laaye gaye Khan ne ibtidayi tehqiqaat mein kaha ke iska gang Google map app ke zareya ATM ke baray mein pata lagaata tha aur baad mein ek baday truck ke andar ek choti pick up van rakh kar loot ke liye janta tha. Truck ko 8-10 kilometer door chodh kar sabhi lootairay naqaab aur dastanay pehan car gas kattar ke sath pick up van se ATM ke paas pohunchte they aur iske naqad walay hissay kokat kar paisa nikaal letay they.
Is gang ne ek qatal bhi kiya hai. baad mein woh check post ya tool nake ki footage may dikhayi nahi dete aur gang pakde nahi jaraha tha. Rathore ne kaha ke khufia ittila ki bunyaad par pata chala hai ke yeh Haryana ke mewat ke badmashon ke ek gang ka kaam hai. is ka boss Hashim uddin fil haal rajasthan mein hai to usay pakad liya gaya. ab is se mili maloomat ki bunyaad par loot se mutaliq deegar badmashon ko pakda jayega. –YTN STAFF