New Delhi: Junoobi Africa ke sabiq hockey khiladi Gregg Clark ko hindustani mardon ki hockey team ka analyst coach muqarrar kiya gaya hai.
Clark is saal Tokyo olympics tak team ke analyst coach rahenge. Olympics 23 July taa 8 august honge. clark is se pehlay 2017 taa 2020 canada ki means hockey team ke assistant coach reh chuke hain. woh January mein coaching camp mein team mein shaamil hosaktay hain.
Apne 11 sala taweel career mein clark ne junoobi Africa ki team ke liye 250 bain ul aqwami match khailay hain. woh 1994 ke sydney aur 2002 mein kualuampur world cup, 1998 kualaluampur aur 2002 manchester doulat mushtarqa khelon aur 1996 atlanta aur 2004 aithens olympics mein hissa le chuke hain. Clark ke paas coach ki hesiyat se 13 saal ka tajurbah hai. Woh 2007 mein junoobi africi team ke head coach banay thay aur 2013 tak is team ke sath rahay. Clark beeching Olympics aur London olympics mein bhi coach ki hesiyat se shareek thay.
Team ke head coach graham red ne kaha ke hamein coaching amlay ki hesiyat se clark ka khair maqdm karne ke liye pur-josh hon. unke paas bohat tajurbah hai aur woh junoobi Africa ke liye 250 bain ul aqwami match khail chuke hain. iske alawa woh do martbah bator khiladi aur do martbah coach ke tor par olympics mein hissa le chuke hain.
clark ne kaha hai ke mein hindustani mardoun ki hockey team se wabasta honay par bohat khush hon. is se pehlay mein hockey India ke sath kaam kar chuka hon. 2013 mein junior team ke coach ki hesiyat se mein ne jin khiladion ko training di thi un mein se ziyada tar khilari aaj senior team mein hain. yeh khiladi 2021 mein behtar karkardagi ka muzahira karenge.