Hyderabad: Itwaar ki shaam 6 bajey GHMC intikhabaat ke liye intikhabi muhim khatam honay ke baad lagta hai ke siyasi jamaaton ne votersko rishwat dene ke darwazay khol diye hain. Raye dahindon ko rishwat dene ki chand videos social media par kaafi viral hui hain jis se awam mein ek uljhan paeda hogayi hai. Ek janib yeh khayaal kiya jaraha hai ke hukmaran jamaat TRS ke khilaaf BJP ke IT cell ki yeh karstani hai to doosri janib BJP usay hukmaran jamaat ka aakhri harba qaraar diya jaraha hai.
Mobayyana tor par voters ko raqam taqseem karte hue logon ko pakdae jane ki mutadid videos social media platforms par viral hochuki hain. un clips mein bohat se nojawan daawa karte hui deekhaee day rahay ke hain aisay logon ko pakda gaya jo 500 rupay ke note le rahay thay. chokas hujhoom bhi un logon se pooch gach karte nazar atay hain. misaal ke tor par, guddimalkapur mein BJP kaarkunon ne yeh kehte hue hungama khada kiya ke TRS ke ek MLA ne ek hotel mein deray daal rakhay hain aur paisa baant rahay hain.
Is ilaqay mein afratafri phail gayi jab logon ne is waqeye ki video shoot ki aur yeh baatein social media par gardish karne lagi. kuch hi der mein bohat saari isi tarhan ki videos ke sath social media platform bhar gaya. police ne MLA ke hotel ke kamray ki talashi li lekin koi naqad raqam dastyab nahi hui. Un videos mein se beshtar ne hukmuran TRS par voters ko rishwat dene ka ilzaam aaed kiya hai, jis se yeh shoba paeda kiya gaya hai ke ye hareef party ke IT cell ka aasaan harba ho sakta hai jo TRS ke khilaaf apni karwai shuru kardi hai. kayi maqamat par hukmaran TRS aur BJP ke mabain raqam ki taqseem per jhagda hua.