Hyderabad: Greater Hyderabad municipal corporation ( GHMC ) intikhabaat ki 1st decemeber ko honay wali raye dahi ke silsila mein polling ke samaan ki hawalgi ka kaam shuru kiya gaya hai.
Iske liye GHMC hudood mein 30 marakaz banaye gaye hain jahan se ballot box aur dosray samaan ki hawalgi amal mein layi gayi. kharitabad, secunderabad, kukatpally zones mein yeh DRS marakaz qaim kiye gaye hain. Lingampally zone mein chaar marakaz ka qiyam amal mein layagya hai. polling officers aur deegar ohdedar wahan pahonch kar samaan haasil kiya. Polling ke samaan ke sath corona cuts, sainitizers ki bhi taqseem amal mein layi gayi hai. Polling ke mauqa par kisi bhi nagehani sorat e haal par qaboo panay ke liye police ki janib se sakht bandobast kiya jarha hai.
Election commission ke daftar par BJP ki hungama aarai
Election commission par janbdaranh muzahira aur hukmaran jamaat TRS ki himayat ka ilzaam lagatay hue BJP ke kaarkunon ne aaj Hyderabad may daftar reyasti election commission ke samnay ehtijaj ki koshish ki taham chokas police ne is ehtijaj ko nakaam banadiya.
Is mauqa par un kaarkunon ne ilzaam lagaya ke asatezaa ki duty ka kaam nahi diya gaya hai kyunkay hukoomat ko khadsha tha ke yeh asaatezaa iske khilaaf kaam karenge. un ehtajaji kaarkunon ne reyasti election commission aur chief minister KCR ke khilaaf naaray baazi bhi ki. Dubbak ke no muntakhib rukan-e-assembly Raghunandan rao, rukan council aur doosron ne election commission ke daftar mein zabardasti daakhil honay ki koshish ki taham police ne un ko giraftar karte hue gosha mehal police station muntaqil kardiya.