Hyderabad: BJP ke rukan-e-parliment Tejasvi surya par bil wasita tanqeed karte hue AIMIM ke sadar Asaduddin owaisi ne kaha ke jee each am si intikhabaat hyderabad ba muqabla bhagya nagar ke nazriya ke darmiyan ladai hai.
Owaisi jo malakpet assembly halqa ke tehat Azampura mein ek awaami rally se khitaab kar rahay thay is douran unhon ne kaha ye hyderabad aur Bhagya nagar ke mabain ladai hai. shehrion, ye aap ki zimmedaari hai ke Hyderabad ya Bhagya nagar kon jeetay aap ko faisla karna hai.
Inhen ( BJP ) ko andaza nahi hai ke yahan kiya hai yahan Hyderabad mein charminar jao, golkonda qila, ya salarjung museum kahin bhi jao lekin aap ko mere swachh nazar nahi aayega. Is se qabal bengalore ke junoobi rukan-e-parliment tejasvi surya jo hyderabad ki intikhabi muhim mein hain ne ek tweet kiya tha jis mein unhon ne Hyderabad ke shehrion ko Bhagya nagar ke pyare nojawan kehte hue mukhatib kiya tha. unhon ne apni muhim ka naam tabdeel hyderabad rakha.
Asad owaisi ne selaab ke baad hyderabad ko imdadi raqum na denay par BJP ki zair-e-qayadat markazi hukoomat ko tanqeed ka nishana banatay hue kaha ke agar markaz ne wohi raqam di hoti to yahan ke shehrion ko har ek ko 10 hazaar rupay ki bajaye 80,000 se 1 laakh rupay mil jatay. unhon ne BJP par bhi zor diya ke woh GHMC intikhabi fehrist mein lag bhag 30,000 Rohingya honay ka ilzaam saabit karen.
Unhon ne ye bhi kaha ke BJP rehnumao ko shehar mein mashhoor restaurant Alhmdulillah hotel se khana chahiye jo kay beef ki biryani ke liye mashhoor hotel hai. Hyderabad ke rukan-e-parliment ne kaha BJP ke log mayoosi ka shikaar hain. inhen kuch samajh nahi araha hai. inhen Alhmdulillah hotel se kuch biryani zaroor milni chahiye.
Darin asna April se June ke douran bijli ke bilon ko ghair mutanasib qarar dete hue Asad Owaisi ne mutalba kiya ke reyasti hukoomat ke zareya 300 unit ke muawzay maaf kiye jayen. unhon ne 1st decemeber ke baad selaab mutasireen ke liye 10 hazaar rupay imdaad ki taqseem ko dobarah shuru karne ka mutalba kiya, iske alawa taxi aur auto driveron ko alag se muawzay bhi dainay ka mutalba kiya hai.