New Delhi : Congress ki kam az kam aamdani zamanat scheme niyae par Wazeer e Azam Modi ke tanz aur mazaq par sakht rad-e-amal zahir karte hue oppostion party neh kaha ke Wazeer e Azam Modi neh mulk ke ghareebon ki muflisi ka mazaq udaya hai jis ke liye inhen maffi maangni chahiye. Congress media cell ke sarbarah Randeep singh neh kaha ke niyae scheme congress ki ghurbat ko khatam karne ki duniya ki sab se badi scheme hai jis ke tehat ghareeb khandan ke khawateen ke khatay mein har saal 72 hazaar rupay jama kiye jayenge ka elaan kiya gaya hai .
Har ghareeb khandan ko is scheme ke tehat har mah 6 hazar rupay diye jayenge. note bandi ke zareya ghareeboun ko na qabil faramosh gehra zakham dainay walay Modi neh ab ghareebon ke behbood ke liye niyae scheme ka taali baja baja kar mazaq udaya hai. Mulk ke ghareeboun ke liye banai gayi is scheme ki mukhalfat karkay woh ghareeboun ke pait par laat maarny ka kaam kar rahay hain .
Is scheme ka mazaq uda kar unhon neh mulk ke 25 crore ghareebon ki muflisi ka mazaq udaya hai. is ke liye Wazeer e Azam ko maffi maangni chahiye. khayaal rahe ke Modi neh Uttarpardesh ke Meerut mein congress ki niyae scheme par sakht tanqeed karte hue kaha ke jab unki hukoomat neh bank khatay khlwaye to kuch aqalmand log kehte they ke mulk mein bank hi nahi hai khatay khulwane se kiya hoga aur aaj wohi khaton mein pesey daalnay ki baat karte hain .