Hyderabad: Ye batatay hue ke BJP mein hi TRS ko shikast dainay ki quwat aur taaqat hai aur chief minister KCR ko apne ohday se mazool karne ki isi jamaat mein quwat hai, Telangana congress muhim committee ke chairperson Vijayashanti ne bil-akhir ghar wapsi karte hue BJP mein shamoliat ikhtiyar karli hai. adakar se sayasatdan ban’nay wali vijay shanti jin ki BJP mein shamoliat asal mein ghar wapsi hai kyunkay unhon ne –apne siyasi career ka aaghaz bhagwa party se hi kya tha.
Ghar wapsi par unhon ne kuch rehnumao par ilzaam lagaya ke unhon ne hukoomat aur iske mazalim par sawal karne ke bajaye KCR se haath milaya hai. vijayashanti ne kaha ke un ka hadaf TRS ke bad-unwanyon ko be-naqaab karna hai. unhon ne kaha ke party BJP mein meri zimmadarion ka faisla kere gi. yeh dubbak aur ab GHMC ke intikhabi nataij se saabit hochuka hai ke telangana mein BJP tanha TRS ko shikast desakti hai. unhon ne is etemaad ka izhaar karte hue kaha ke Bhagwa party 2023 mein Iqtidaar mein aayege.
Unhon ne kaha ke party jahan bhi chahaygi woh BJP ke liye intikhabi muhim ke liye tayyar hain. Dehli mein party ke qaumi general secretary Arun singh ki mojoodgi mein BJP mein shaamil honay ke baad shanti ne kaha ke mein ne apne siyasi career ke aaghaz se hi Telangana ki khatir jad-o-jehad ki hai. Arun singh ne inhen party ke Bhagwa scarf ki paish kash karte hue BJP mein khush aamdeed kaha. Telangana BJP ke sarbarah bandi sanjay kumar, wazeer mumlikat G.kishan reddy, BJP OBC morcha ke qaumi saddar Dr K.lakshman aur deegar bhi mojood thay. Vijayashanti ne yaad dilaya ke unhon ne BJP mein shaamil hokar 26 January 1998 ko apne siyasi career ka aaghaz kiya tha. unhon ne 2005 mein kuch wajohaat ki bana par BJP chod di thi. baad mein mein ne KCR ke zareya dabao daalnay ki wajah se apni tally Telangana party ko TRS mein zam kardiya.
Unhon ne kaha Telangana bil BJP ki himayat se parliment mein Manzoor kiya gaya tha aur vijay shanti ne kaha ke KCR ne chahtay hain ke TRS ke alawa Telangana mein kisi aur jamaat ka wujood nahi hona chahiye. Mein ne KCR se pehlay alehda Telangana riyasat ke liye ladai shuru kardi thi. Hum dono TRS ke rukan parliment ki hesiyat se jeet gaye thay. Taham unhon ne July 2013 mein mujhe moattal kardiya. KCR ne mere khilaaf saazish ki aur phir yeh propaganda kya ke mein ne TRS ko khud chodh diya hai. KCR jis ne AICC ke sarbarah Sonia gandhi ko yaqeen dilaya ke agar woh Telangana riyasat dete hain to woh TRS ko congress mein zam kar deinge aur unhon ne is waday se U-turn liya. KCR ne tamam rehnumao ko TRS mein shaamil kya taakay unse koi mukhalifat na ho. taham, BJP ek mutabadil ke tor par samnay aayi hai.