Riyadh: Saudi Arab ke Al Qassim ilaqay mein ghar par bairooni hajjaam se baal katwane walay Saudi shehri ki Video Social Media par Viral hogi, Jis ke baad ek naya tanaza shuru huva hai. Police ne Coronavirus se bachao ke liye ahteyati tadabeer ki khilaaf warzi par Saudi shehri aur Hindustani hajjaam ko giraftar karliya. Tafselat ke mutabiq Al Qassim Police ke tarjuman badar Al-Sehibani ne kaha ke Social Media par Saudi shehri ki janib se hajjaam ko ghar bulaa kar baal banwane wala Video Social Media par Viral huva.
Video mein ek shehri apne ghar par ek Hindustani hajjaam se baal banava raha tha jis ki dukaan Coronavirus se bachao ke liye kiye jaanay walay iqdamaat ke tehat band kardi gayi thi. Police ne Video Viral honay ke baad dono ko talaash karkay giraftar karliya. Un ke khilaaf qanooni karwai ki jarahi hai.
Police tarjuman ne kaha ke Al-Qassim ke shehri aur Hindustani hajjaam dono ne ahteyati tadbeer ki khuli khilaaf warzi ki thi. Muqami shehri ne ek terhan se is khilaaf warzi par fakhr ka izhaar Video Clip Social Media par jari karkay kiya tha. –YTN STAFF