Hyderabad : Rajiv gandhi international airport ( RGIA ) police ney mangal ki shab Shamshabad airport par gherao aur search operation kiya aur saat taxi driveroun ko apni tehweel mein leliya.
Makora taxi Drivers tijarti maqsad ke liye safaid number plate cars ka istemaal karte hue paye gaye. woh ghair qanooni tor par taxies chala rahay they.
RGIA ke inspector Vijay kumar ney kaha ke ”Operation ke douran ghair qanooni tor par chalaye janey walay majmoi tor par 6 taxies ko zabt karliya gaya hai. police ke mutabiq wo taxi driver ghair qanooni tor par kaam kar rahay hain, aur musafiroun ko harasan kar rahay hain aur ghair mamooli kiraya wusool karte hain. police ney bataya ke taqreeban 100 police ahelkaar, raat 9 bajay se 11 bajay ke dasrmiyan kiye gaye gherao aur search operation mein shaamil they. –YTN STAFF