Hyderabad: Hyderabad aur deegar ilaaqoun mein shadeed garmi aur phir be waqt barish se awam ko wabai amraaz ka khatrah hai to is ajeeb wo gharib mausam ne kisanoun ke liye masail khaday karde hain. Ek janib sakht garmi aur phir barish se amraaz se awam pareshan hai doosri janib kisaan be mausam barish se honay walay fasloun ke nuqsaan se fikar mand hogaye hain .
Riyasate Telangana aur Andhra Pradesh ke beshtar ilaaqon mein darja hararat 40 degree darj Kiya jarha hai. mahe April ke aaghaz se hi darja hararat mein batadreej izafah hotajarha hai aur mehakma mousamiyat ne intibah diya hai ke aindah dinon ke douran darjae hararat mein mazeed izafah hoga. mehakma mosmiyat ke mutabiq darja hararat mamool se zayed record Kiya gaya hai. dono reyaston ke azlaa ke alawa mukhtalif maqamat par shadeed garmi ki lehar dekhi jarahi hai .
Garmi se bachney ke liye log mukhtalif tadabeer ikhtiyar kar rahay hain. dopehar ke waqt sarkain sunsaan hoti jarahi hai. water coolers, air coolers ke alawa thandi mashrobat ki farokht mein bhi kaafi izafah hogaya hai. DRs ne chhootay bachon aur zaeef afraad ko mahswara diya hai ke woh gharon mein hi rahen .
Guzashta barson ke muqablay is martaba garmi kaafi hai. subah 9 bajey se hi shadeed garmi ka aaghaz ho raha hai jo dopehar mein apne urooj par dekhi jarahi hai. thanday mashrobat ke sath ORS-L ki ki farokht bhi badh gayi hai. DRs ne awam ko mahswara diya hai ke woh shadeed dhoop mein bahar nah nikleen .
Be mausam barish aur kisanon ke masail par Telangana ke sabiq wazeer T.Harish Rao ne kisanon ko yaqeen dehani karwai ke be mausam hui barish ke nateeja mein faslun ko hue nuqsanaat par hukoomat muawza ada kare gi.
Harish Rao ne zila Siddipet ke nangoor mandal ke mukhtalif muwaziat ka dora Kiya jahan haliya be mausam barish aur Zaalah baari ke nateeja mein faslun bilkhushoos aam ki faslun ko nuqsaan pouncha .Unhon ne kisanon se masail daryaft karne ke alawa mukhtalif Mawaziat mein nuqsaan se dochar faslun ka bhi muaina Kiya . Collector Krishna Bhaskar ki Hidayat par mehakma baghbani aur zaraat ke ohdedar is nuqsaan ka takhmeenah laganay mein masroof hain .- YTN STAFF