Berlin: Islam aur Germany ki siyasi jamaat Christian social union ke mabain taluqaat ko ek hassas aur mushkil mauzo tasawwur kiya jata hai lekin halaat badalty der nahi lagti aur ab isi jamaat ne Mayor ki nishet ke liye ek 37 sala Musalman umeed waar Ozan Iyibas ka intikhab kiya hai. Is musalman umeed waar ka intikhab mayoral ke shumal mein waqay qasbay Neufahrn ki CSU ki muqami anjuman ne mutafiqa tor par kiya hai. Is qasbay ki abadi takribab 20 hazaar nafoos par mushtamil hai.
Ozan Lyibas 2007 hamza se CSU ke rukan hain. Maazi mein inhen nah sirf German qadamat pasand aur intahi dayen baazu ke karkun dhamkian day chuke hain balkay wo musalman qadamat pasandoun ke nishanay par bhi rahay hain. Mayoral mein CSU ke party headquarters mein is musalman umeed waar ke intikhab par itminan ka izhaar kiya gaya hai jabkay CSU ki aala qayadat ne bhi ek tark mohajir ke betay ki himayat ki hai. Is hawalay se CSU ke general secretary Markus Blume ne kaha hai ke Ozan Lyibas ko muqami aur markazi satah par CSU ki sad feesad himayat haasil hogi.
CSU mein riwayati tor par musalman umeedwaroun ki mukhalifat ki jati hai. Is ki ek misaal Sener Sahin hain, Jo Mayoral ke maghribi ilaqay Wallersteiner mein Mayor ki nishet ke umeed waar thay. Is 44 sala umeed waar ko jamaat ki himayat haasil thi lekin kaarkunoun ki shadeed mukhalifat ke baad inhen apni namzadgi wapas leni padi thi. Germany mein peda honay walay tark nazaad Sahin ke liye wazeh tha ke un ki mukhalifat kyun ki ja rahi hai. Is khsoos mein unhoun ne kaha hai ke mukhalifat sirf ek wajah se hui, Wo ye thi ke ek musalman kis terhan Christian social union ka umeed waar ho sakta hai. Aisa mumkin nahi hai
Doosri janib is siyasi jamaat mein abhi tak musalmanoun ke hawalay se khadshaat ka izhaar kiya jata hai. Peter Friedrich is jamaat ke sarkardah kaarkunon mein se ek hain. Un ka haal hi mein diya gaya ek bayan is hawalay se behas peda kar chuka hai. Kya musalman is jamaat ke ahem ohdoun tak poanch satke hain? Is hawalay se unhoun neh kaha hai ke bunyadi baat ye hai ke hum ek isaai jamaat hain aur hum ne ye jamaat isi bunyaad par banai thi. Kisi musalman ke paas is jamaat ke sarbarahi ka hawala dete hue unhoun ne kaha hai ke ye aisay hi ek mazhaka khaiz baat hai, Jaisay kaha jaye ke padrion ka markaz musalmanoon ke muqaddas shehar mein banaya diya jaye.
Isi terhan muqami satah par ab bhi musalman umeedwaroun ke hawalay se khadshaat paye jatay hain. Kya Ozan Lyibas March mein honay walay intikhabaat jeet payen ge, Is hawalay se filhaal kuch bhi nahi kaha ja sakta. Lekin ek baat wazeh hai ke un ki kamyabi ki soorat mein 1964 hamza ke baad pehli martaba yahan ke muqami intikhabaat sheh surkhiyoun mein jagah banayen ge. –YTN STAFF