West Bengal ke BJP Leader Dilip ghosh ka bayan
Kolkata : Gau mata ke baad ab Gau Aunty bhi manzar-e-aam par aanay lagi hain kyunkay jo gaaye Hindustan ki hain woh gaaye mataa hai aur jo gaaye berooni mumalik se daraamad ki jati hai woh gaaye Aunty hai.
Ye baat BJP ke ek leader ne kahi hai. gaaye ke naam par siyasat karne wali BJP ke leadron ka gao raksha par mabni bayan to bohat logon ne suna hai aur gaaye ko woh sabhi gao mataa bhi kehte hain, lekin west Bengal ke BJP sadar Dilip Ghosh ne jo taaza bayan diya hai woh bohat haeran karne wala hai. unhon ne kaha hai ke ghair mulki nasal ki ghaein gao mata nahi hain. sath hi unhon ne yeh bhi keh dala ke desi breed ki gaiyon mein talai Ansar paye jatay hain, tabhi unka doodh halka sunehra rang ka hota hai.
Angrezi roznama The Telegraph ki report ke mutabiq west Bengal ke vardhaman zila mein ghosh aur gabhi kalyaan committee ki janib se munaqqid ek taqreeb mein Bengal BJP ke sarbarah khitaab kar rahay they jab unhon ne ghair mulki nasal ki gaiyon ke gao mataa na honay wali baat kahi. report ke mutabiq dilip ghosh ne apne bayan mein kaha ke desi nasal ki gayon ki ek khaas khoobi hoti hai, is ke doodh mein sona mila hota hai is liye unke doodh ka rang halka peela hota hai. un mein ek Nari hoti hai jo dhoop ki madad se sona paeda karne mein madad karti hai. hamein un gayon ko rakhna hoga.
Ghair mulki nasal ki gayon se mutaliq Dilip Ghosh ne kaha ke beron mulk se jo hum gaaye ki naslen laatay hain, woh gaaye nahi hain. woh ek tarhan ke janwar hain. ghair mulki nasal ki gayon ki aawaz bhi gayon jaisi nahi hoti is liye woh hamari gao mataa nahi balkay hamari aunties hain. itna hi nahi unhon ne mazeed kaha ke yeh mulk ke liye munasib nahi hoga agar hum un aunties ki pooja karen. Dilip Ghosh ne apne khitaab ke douran kaha ke yeh munasib nahi hai ke hum apne bhagwanoun ki pooja un ghair mulki nasal maslan jersey gayon ke doodh se karen. hamaray mulk ke bhagwan bhi ghair mulki cheezon ko qubool nahi karte lekin jo angrezi mein padhay likhay hain unhein har ghair mulki cheez pasand hai. unhein ghair mulki biwiyan chahiye, unhein ujale rang wali biwiyan chahiye, kayi leadron ne shadi ki hai. sabhi maslay ki jadh yahi hai. na sirf ghair mulki gaye balkay log jo ghair mulki biwiyan laa rahay hain woh bhi muzir hai. woh yahan aa rahi hain aur hamaray leadron par bura asar daal rahi hain. unhein jail mein jana padh raha hai. –YTN STAFF