Chintamadaka : Wazeer-e-aala Telangana ke Chandra Shekhar rao nay apne aabadi gaon Chintamadaka mein khitaab khitaab karte hue har ghar ko 10 laakh rupiye dene ka elaan kiya. aur sabhi taraqqi ki saholaten faraham karne ki baat kahi. unke hamrah rukan-e-assembly T. Harish Rao aur deegar mojood they.
Wazeer-e-aala nay gaon ki taraqqi ke liye 50 crore rupiye dene aur health camp qaim karnay ka wada kiya. qabal azeen KCR nay muqami mandiroun ka doura kiya aur awam se baat cheet ki. Wazeer-e-Aala nay 2BHk walay 2000 makanaat dene aur deegar bunyadi saholaten faraham karne ka bhi wada kiya.
KCR nay har ek gaon ke liye 50 laakh rupiyon ke alawa, Siddipet ke liye 25 crore rupiye, Dubbaka ke liye 10 crore rupiye aur Ranganayka sagar lake ki taraqqi ke liye 5 crore rupiye dene ki baat kahi.
Unhon nay kaha ke pehlay paanch saal unhon nay riyasat ke masail par tavajja markooz kiya aur sabhi shobo ki taraqqi ki. ab gaon ki taraqqi ke liye raqam kharch karne ke liye tayyar hain. –YTN STAFF