Hyderabad : Andhra prdaesh ke Anantapur zila se ek be had khoufnak khabar samnay aayi hai. yahan ke ek gaon ”ke may na baligh ladki ki pataayi ka video samnay aaya hai. deegar afraad ki moujoodgi mein gaon ke Buzrugoun ne na baligh ladki ki pitayi ki. bataya ja raha hai ke na baligh ladki par apne 20 sala rishtedaar ke sath bhaag jaaney ka ilzaam hai. baad azan mazkora ladki aur uskay rishta daar ko pakad liya gaya aur gaon walon ke samnay paish kiya ya, aur is iqdaam par inhen intibah diya gaya.
Is video mein dekha ja sakta hai ke 20 sala shakhs zameen par baetha hai aur gaon ke buzurag ladki se pooch tach kar rahay hain. ladki ke jawab dainay ke baad woh buzurag log is ladki ko peetna shuru kar dete hain .
Anantapur zila ke police sarbarah ke mutabiq koi bhi is buzurag shakhs ke khilaaf shikayat darj karanay ke liye agay nahi araha hai. yahan tak ke is ladki ke walidain bhi nahi.
Police ne khatoon police constable ko yeh jhanchne ke liye bheja hai ke ladki shikayat darj karegi ya nahi. agar woh iqraar karti hai ke is ladki ke sath is ke taluqaat they, to usay jinsi jaraim se bachon ko tahaffuz faraham karne ya POSCO act ke tehat maamla darj kiya jasakta hai. agar koi shikayat darj nahi ki jati hai, to police SC ST reservation of act ke tehat maamla darj karegi. –YTN STAFF