New Delhi : Baba-e-qoum Mahatma Gandhi ki 150 yom-e-paidaiesh ke mauqa par chaharshambh ke roz mukhtalif partiyon aur mukhtalif reyaston ke wazraye aala ne Mahatma Gandhi ko kharaaj paish kiya , aur unki khidmaat aur unkay shakhsi pehluo ko yaad kiya.
Delhi ke wazeer-e-aala Arvind Kejriwal aur naib wazeer-e-aala Manish sisodia ne Mahatma Gandhi aur Lal Bahadur Shastri ko kharaaj aqeedat paish kiya . unhon ne vijay ghat, aur raj ghat ka doura kiya aur Mahatma Gandhi aur Laal Bahadur Shastri ko kharaaj paish kiya.
Wahein riyasat-e-telangana ki governor Tamilisai Soundarjan aur riyasat ke wazeer-e-aala KCR ne langar house ke qareeb ”Bapu Ghat “ mein Mahatma Gandhi ke mujasma par phooloun ka haar pehnaya aur kharaaj paish kiya . is mauqa par reyasti wazraa, T.Srinivas yadav, Prashant Reddy , choudhry malla Reddy , Sabita Indra Reddy , Mahmood Ali , Mayor Bonthu ram mohan aur deegar moujood they.
Reyasti assembly ke deputy speaker Padma Rao goud, council ke chairman Guthas sukehndar Reddy , unke naib N Vidya sagar rao , MLC aur secretary v narsimha aur deegar ohdedaron ne Mahatma Gandhi ko zabardast kharaaj paish kiya. unke alawa Markazi wazeer baraye umoor dakhla G kishan Reddy ne bhi kharaaj tehseen paish kiya hai.
Isi tarhan Andhra Pradesh ke wazeer aala Y S Jagan Mohan Reddy ne bhi Gandhi Jayanti ke mauqa par unki shakhsiyat aur unki khidmaat ko yaad kiya . aur bhar poor kharaaj aqeedat paish kiya. –YTN STAFF