Hyderabad: Gandhi Hospital ke ek khofnaak waqea mein Ward Boy ne ek corona mareez par jinsi zayad-ti karne ki koshish ki. Coronavirus ki wajah se jahan awam pehlay hi zehni aur jinsi tor par pareshan hai wahein ab dawakhanon se kayi aisay khofnaak waqeat manzar aam par arhay hain jinhein sun kar dil dehal ja raha hai Corona mareez ko dawakhanon mein ilaaj ke douran na sirf tawajah nah dainay ki shikayat aam nahi balkay virsa ke hawalay ghalat laash karne,
Ilaaj ke douran munasib ghiza ki adam farahmi bhi aam shikayat mein shaamil theen taham ab Corona khawateen mareezon ke ghair mehfooz honay ki khabrain bhi aam horahee hain jis mein kabhi kisi ki esmat raizi ka waqea saamna aaya to kabhi kisi ko Corona test ke naam par jinsi harasani ka saamna karna pada hai aur ab Hyderabad ke Gandhi dawakhane se ek aisay khabar aayi hai jahan ek Ward Boy ne Corona mareez ke sath badtameezi ki hai.
Gandhi Hospital ke ek khofnaak waqea mein Ward Boy ne ek corona mareez par jinsi zayad-ti karne ki koshish ki. Is ke baad usay barkhast kardiya gaya hai. Police ke mutabiq yeh waqea 27 September ko pesh aaya lekin is ki shikayat ab daer ki gayi thi. 45 sala Ward Boy jis ki shanakht B Chandrashikhar ke naam se hui hai, Jo PPE kit pehan kar dawakhane ke ICU Ward mein ilaaj karwanay wali 73 sala khatoon mariza ke paas gaya tha is ke sath mobayyana tor par ghalat sulooq kiya hai.
Ek Dr jis ne waqeye ka mushahida kiya tha usay Medical afsaraan ke hawalay kardiya. Gandhi ke Superintendent Dr Raja Rao ne waqea ki tasdeeq kar di. Unhoun ne kaha darja chaharum ke mulazim ki bud sulooki jumaraat ki sah pehar Health Inspector ke zareya mere ilm mein aayi. Fori tor par mein ne is ko aur is ke saathi ko hata diya. Mein ne police Superintendent Office se bhi shikayat ki hai. Thaana Chilkalguda mein IPC ki dafaa 354 A ke tehat shikayat darj ki gayi hai.