Hyderabad: Anay walay dinoun mein corona mamlaat ki tadaad mein mustaqil izafay ki pesh qiyaasi karte huve riyasati mehakma sahet ne apne bunyadi dhanchay mein towsee karkay Gandhi dawakhana ko 350 izafi Bed mukhtas karne ka faisla hai. Gandhi Hospital mein library block ki 2 manzilain aur 2 OP block ki 2 manzilain corona ilaaj mualjay mein tabdeel kar di jayengi. Is iqdaam se mojooda 1500 bistaroun ki gunjaish ko badhaane mein madad mileygi.
Gandhi hospital ke Superintendent Dr Raja Rao ne kaha hum COVID-19 ilaaj mualjay ki mazeed 350 bistar shaamil kar rahay hain. Ye COVID-19 mareezoun ke liye khusoosi tor par istemaal honge. Towsee ki tayari is haftay shuru huvi thi aur aglay haftay tak ye kaam mukammal hojaye ga. Bestar aur tamam zaroori samaan pehlay hi baday Wards mein muntaqil kardiya gaya hai. Taham halkay COVID alamaat ke mareezoun ke liye kyunkay hanoz Oxygen imdadi sahuliyaat abhi baqi hain. Mazeed maloom huwa hai ke ICU ko mazboot bananay ke liye tazayen o araish ka amal jari hai aur jald hi isi mein 80 beds bhi shamil hai.
Yahan ye baat qabil zikar hai ke riyasat bhar mein 1365 fa-aal mareez ilaaj haasil karne ke sath Gandhi hospital mein khusoosi COVID-19 ki sahoolat poori haasil kar rahay hain. Hospital ke ek Dr ne bataya Telangana Institute of medical sciences ko kholnay mein mazeed ek maheena lagey ga kyunkay bunyadi dhanchay ki zaroriat ko poora karna abhi baqi hai is liye Gandhi dawakhane mein corona Wards mein towsee ki jarahi hai.
Ilawa azeen PG Doctoron mein infection ke khadshaat bohat ziyada hain kyunkay naye Wards mein se ek KOP imarat mein tabdeel kardiya gaya hai jahan wo muqeem hain. Unhoun ne mazeed kaha ke is waqt OP imarat ki chothi aur panchwin manzil par 140 hostel ke kamroun mein 275 PG Dr rahaish pazeer hain. COVID ward ibtidayi manzil aur pehli manzil par aeyega taham ek rehaishi Dr ne kaha un halaat mein hum hukoomat ke iqdamaat ka intezaar kar rahay hain ke wo hamaray qiyam ko mehfooz bananay ke intizamaa karen. –YTN STAFF