Hyderabad : Technology aur Gali cricket bazahir yeh do alag alag cheeze dikhayi deti hain kyunkay jab hum technology ka naam suntay hain to hamaray zehan mein yeh khayaal aata hai ke yeh ek Aala mayaari kaam hai aur jab Gali cricket ke baarey mein hum suntay hain to to fouran hamara zehan muhallay ke noujawanoun ki taraf jata hai jo ke farigh auqaat mein mein cricket khelte dikhayi dete hain lekin aaj technology ne zindagi ke har shobay mein apni ahmiyat aur ifadiyat ko zahir kardiya hai.
Yahi wajah hai ke ab gali cricket mein bhi technology ka is tarha istemaal honay laga hai ke muhallay ke kisi maidan mein khele jane walay muqablay ka raast mushahida duniya ke kisi bhi ilaqay se ba aasani kiya ja sakta hai. jee haan aap ne bilkul durust padha hai muhallay ke kisi maidan mein khele jane walay muqablay ka raast mushahida duniya ke kisi bhi mulk , riyasat aur ilaqay se kiya ja sakta hai, jiske liye aaj market mein kayi ek smart phone apps moujood hain.
Technology ke gali cricket mein honay walay istemaal ke zimn mein raqim al-huroof ne jab tehqeeqi to is ke liye ek behtareen misaal Secunderabad ke maidan par guzishta ek mahinay se khele jarahay tea 16 tournament hai jis mein 6 teams ke darmiyan khitaab ke liye muqablay khele jarahay hain. bazahir yeh tournament ek ilaqay ke cricket khelne walay nojawanon ke darmiyan honay wala tournament hai lekin is ki ahmiyat is liye bhi badh gayi hai kyunkay is tournament ke tamam tar umoor ki anjaam dahi ke liye cyber technology ka istemaal kiya gaya aur iske score se lekar teamon ke aapsi muqablay, behtareen batsman, behtareen bowlers aur behtareen all rounder ke alawa tournament mein sab se ziyada ahmiyat ke haamil Khiladi ke intikhab ke liye adaad shumaar haasil karne ke liye app ki sahoolat aur madad haasil ki gayi hai jis se khiladion ke award ke liye muntakhib karne mein kisi bad-unwani ka koi shak nahi rehta aur tamam umoor mein shfafit ghalib rehti hai.
Kurk hero Nami app ke zariye is tournament ke khadd-o-khaal tayyar kiye gaye hain jis mein muqablay ke schedule se leker har gend par ban’nay walay run ko app ne apne data base mein jama kiya hai. is tournament mein 6 teamon ke darmiyan muqaabla ho rahay they aur yeh teams sanit always professional, Safa eleven, RK vintage eleven, sufi night riders, RP royals aur verudasgro hain.
Is tournament ke khoobi yeh rahi ke iske douran ek ek gend par banaye jane walay runs, out honay walay khiladi, maaray jane walay chowkay aur chhakay, kis batsman ne kitney runs banaye aur kis bowler ne kitni wickten haasil ki aur is fielder ne kitney batsmanon ko out kiya un tamam ki tamam tar tafseelaat app ke zariye mehfooz ki gayi hain, jo nah sirf duniya ke kisi bhi konay se kisi bhi waqt dekhi aur padhi ja sakti hain balkay tournament ke ekhtataam par event ke behtareen bowler, behtareen batsman aur deegar awards ke liye khiladion ke intikhab mein Muawin saabit hogi. awards ke liye khiladion ke intikhab mein kisi qisam ki koi bad-unwani ka sawal hi paeda nahi hota kyunkay tamam tar tafseelaat duniya ke samnay mojood hain.
Tournament ke rounder marhalay ke muqablon ke ekhtataam ke baad RK Vintage aur viro gurdas ne final mein rasai haasil karli hai, lekin guzashta daidh mah ke douran khele gaye muqablon ko 4 hazaar se ziyada afraad ne ne online mushahida kiya kiya jabkay aur roz aanah is tournament ki tafseelaat ka mushahida karne walay afraad ke tadaad mein musalsal izafah ho raha hai. jo Khiladi is tournament mein shirkat kar rahay hain woh to maidan mein apni salahiyaten dekha rahay lekin un khiladion ke afraad khandan gharon mein baith kar apne khiladion ke muzahiray ka mushahida ghar baithe hi app ki madad se kar rahay hain.
Tournament ke douran honay walay muqablon ki tafseelaat ke alawa 6 teamon darmiyan run rate, kamyabi aur nakami ka tanasub, kamyabi se haasil honay walay nishanaat ke alawa behtareen batsman, bowler aur sab se ahmiyat ke haamil khiladion ki fehrist bhi mojood hai jo ke mukammal app ki madad se hi haasil hui hai hai. final se qabal khele ke round robin muqabloun ke douran tournament mein majmoi tor par 86 chhakay maaray gaye jis mein sufi riders ke Abdul azeem 5 muqablon mein 9 chakhon ke sath pehlay muqam par hain jabkay unke saathi Khiladi Minhaj 6 chakhon ke sath dosray maqam par hain. isi tarha chowkay laganay ki fehrist mein majmoi tor par batsmanon ne 227 chokay lagaye hain jis mein saresh 19 chowkun ke sath pehlay maqam par jabkay Abdul Rahman 13 chowkun ke sath sath sun net always professional ki numaindagi kar rahay hain. Bowlers mein RP royals kesi no 15 wicketon ke sath pehlay aur Safa eleven ke Mohammad aslam 13 wicketon ke sath dosray maqam par Faiz hain.
Is tournament ki tafseelaat dekh kar andaza ho jata hai ke ab kis tarha technology ka gali cricket mein bhi istemaal honay laga hai jahan ek ek gaind par banaye jane walay run hasil ki jane wali wicket se le kar tournament ke douran senkdon khiladion ke muzahiron ki ek ek tafseelaat mojood hain jis se na sirf aam khiladion ke records bain ul aqwami khiladion ki tarha mehfooz ho rahay hain balkay un khiladion ko behtar se behtar muzahiron ki taraf himmat afzai ka bhi mauqa mil raha hai. –YTN STAFF