Hyderabad: Telangana ke Jogulamba Gadwal zila mein barish ki wajah se kayi faslun ko nuqsaan pouncha. Kapaas ki fasal jo kaafi ziyada raqba par hai ko nuqsaan pouncha jis par kisanon ney tashweesh ka izhaar kiya. Unhoun ney hukoomat se mutalba kiya ke inhen jald az jald muawza faraham kiya jaye.
Unhoun ney nishandahi ki ke wo har saal barish ke mausam mein isi terhan ki sorat-e-haal ka saamna karte hain. Zila ke Dharur aur Maldak ilaqay bhi barish se mutasir hue. Barish ka pani Dharur mandal aur Mannapur ilaqa ke ilawa khaiton mein daakhil hogaya.