Hyderabad: Sadkon par dodnay wali kayi ek two wheelers gadiyoun ke number plates ke sath chedh khawani ke waqeat mein aaye din izafah horaha hai.
Traffic challanat se bachney ke liye Number plates par hurfoun ko chhupanay aur Number plates qawaneen ki khilaaf warzi karne walon ke khilaaf badey pemana par muhim chalaye gayi.
Shehar Hyderabad ki LB nagar traffic police ki janib se chalaye gayi is muhim ke douran kayi bikes aur deegar 2 wheelers gadiyon ko zabt kiya gaya.
Is mauqa per traffic police ne kaha ke Number plates ke agay ya peechay ke Numbers ko chupaya ja raha hai taakay yeh gadiyaan kisi bhi tarhan CC TV cameron mein nah aa saken. aisi gadiyon ka CCTV footages ke zareya pata chalana mushkil hota hai, isi liye is terhan gadiyon ke Numbers ke sath chairr chhar karne walon ke khilaaf khusoosi muhim chalaye gayi aur MV act ki dafaa 80 ki shaqq A, AP MV moter vehicle rule 50, 51, central motor vehicle rolls 177 ke tehat mamlaat darj karte hue challanat kiye gaye.
police ne gaadi sawaron se khwahish ki ke apni gariyon ke Number plates ko munasib rakhen aur traffic police ke challant ya phir CCTV cameron mein qaid honay se bachney ke liye un mein chairr chhar karne ya phir numbers ko chupane ki koshish nah karen.Aisa karne walon ke khilaaf karwai ki jayegi.
Yadrahe ke aksar gadiyon ke Numberat ke sath chedh khawani ke waqeat mein izafah ho raha hai aur ab to is corona ke bohraan ke douran yeh bhi dekhnay mein aaye hai ke chand manchale nojawan apni gaadi ke peechay number plate ko mukammal mask pehna de rahay hain jis se ek number nahi balkay mukammal number plate hi dhaank diya diya ja raha hai.