Riyadh: Duniya ki badi 20 aalmi muashi taqatoun par mushtamil Group 20 ke wazeer khazana o maalyaat ka ijlaas aindah haftay Saudi Arab ke dar-ul-hukoomat Riyadh mein hoga. Tafseelaat ke mutabiq G20 wazraye khazana ijlaas ke liye agenday ka musevida tayyar karliya gaya hai. Ijlaas mein Group ke rukan mumalik ki haliya barsoun mein honay wali sharah numoo aur mustaqbil ke imkanaat par roshni daali jaye gi. Masode mein Coronavirus ka zikar shaamil jis ke baare mein mahireen ne kaha hai ke Corona nah sirf China balkay doosri badi muashi taqatoun ki sharah numoo ko mutasir karsaktha hai. Rukan mumalik usay ek khatray ke tour par dekhte hain.
G20 ke wazraye khazana aur markazi Bank ke Governor aalmi maeeshat par tabadlah khayaal ke liye haftay aur itwaar ko Riyadh mein mulaqaat karen ge. Ye ijlaas ek aisay waqt mein ho raha hai ke China ko Corona jaisi mohlik waba mein lapait mein le rakha hai. China mein ab tak Corona se 2 hazaar se zayed afraad halaak ho chukay hain aur beshtar mumalik ke shehrioun ki China mein aamad waraft band hai. Khabar rasan idaray ke mutabiq 2019 hamza ke aakhir mein istehkaam ki alamatoun ke baad aalmi muashi numoo 2020 aur 2021 mein mamooli hadd tak bhedne ki tawaqqa ki jarahi hai. –YTN STAFF