New York: Hindustani Badminton khiladi PV Sindhu Forbes mein shaamil sab se ziyada aamdani haasil karne wali khatoon khiladiyoun mein shaamil wahid Hindustani hain jabkay is fehrist mein pehla maqam Sarina Williams ka hai. 5.5 Million dollars ki jumla aamdani ke zareya sindhu 2019 may sab se ziyada aamdani haasil karne wali khatoon khiladiyoun ki fehrist mein mushtarqa tor par 13th muqam par Faiz hain.
Sindhu Hindustan ki sab se ziyada market mein maqbool tareen khiladi hain jinhoun ne 2018 may V W F world tour finals ka khitaab haasil kiya tha. is fehrist mein duniya ki 15 sare fehrist khatoon khiladiyoun ko shaamil kiya gaya hai jis mein Sarina Williams 29.2 million Amrici dollars ke sath pehlay maqam par Faiz hain jabkay dosray muqam par Japan ki Noami avsaka mojood hain jinhon ne 2018 S.O Open khitaab haasil kiya jinki aamdani 24.3 million Amrici dollars hai. Forbes ki janib se tafseelaat batatay hue kaha ke khiladiyoun ki aamdani mein inaami raqam, tankhawahein, Bonus, aur tashiri zaraye se haasil honay wali aamdani ko shaamil kiya gaya hai jo-kay June 2018 ta 2019 ke darmiyan haasil ki gayi hain. –YTN STAFF