Hyderabad: Information Technology Corridor Gachibowli may haftay ke roz ek Flyover se Car girnay se ek khatoon ki mout hogayi aur do afrad zakhmi hogay. ye haadsa Bio-Diversity Park chaurahe ke qareeb is waqt pesh aaya jab ek Car apna Control kho baithi aur haal hi may khuli Bio-Diversity Flyover se neechay gir gayi aur foot path par mojood khatoon ko kuchal diya.
CCTV Cameres ki tasweeroun may gadi sadak par girty aur phir darakht se takrata dikhayi day rahi hai. ek khatoon, jo Auto raksha ki muntazir thi, ko gaadi ne kuchal diya. haadsay may Car ka Driver aur Road par mojood ek aur khatoon bhi zakhmi ho gayi
Is tassadum ke nateejay may darakht ukkhad gaya aur Car, kayi gaz tak khainchti rahi, jis se sadak ke kinare khadi chand gadiyoun ko nuqsaan pouncha. zakhmiyoun ko qareebi niji Hospital may daakhil karaya gaya , jahan car driver ki haalat tashweesh-naak batayi jarahi hai.
Halaak honay wali khatoon ki shanakht Manikonda ilaqa ki rehne wali Satyavani ke tor par ki gayi hai. Greater Hyderabad Muncipal Corporation ke Mayor Bonthu Rammohan ne mahlook ke ahal khanah ko 5 lakh rupiye x grishya dainay ka elaan kiya hai.
Cyberabad Police Commissioner VC Sajjanar ne haadsay ke maqam par Media numaindoun ko bataya ke Car 99-104 km raftaar se chalaye ja rahi thi. aur Car chalanay waloun ko mashwara diya ke 40 km se ziyada raftaar se gadiyaan na chalayein.
Is mah ke shuru may iftitah kiye gay flyover par ye dosra waqea hai, 9 November ko isi flyover par ek Car ne Selfie letay khaday hue ek nojawan ko takkar maari thi jis ke nateejay may wo Pol se neechay gir kar halaak ho gaya tha. –YTN STAFF