Hyderabad: Ek kahawat mashhoor hai ke aasman se giray aur khajoor mein atkay lekin ab Hyderabad mein paish aaye waqeye mein yeh kahawat kisi qader tabdeeli ke sath kahi jarahi hai jaisa ke Flyover se giray qanoon ki jaal mein phansay. Bio-diversity junction Flyover par se tez rafter car ke neechay girnay ke haadsa mein shehar mein ek nai behas chidhi hai lekin car chalanay walay 27 sala Kalvakuntala Krishna Milan Rao jo kay dawakhana mein zair-e-ilaj hain un par ek aur mushkil anay wali hai chunkay police ne kaha hai ke unke khilaaf muqadma darj hochuka hai aur dawakhana se discharge honay ke baad unki giraftari amal mein aayegi.
Raidurgam police aur cyberabad commisionerate ki janib se yeh muqadma darj kiya hai jis mein tez raftaar gaadi chalanay ke khilaaf muqadma hai. mazkoorah Flyover par ziyadah se ziyada raftaar ki had 40 kilometer fee ghanta muqarrar hai lekin krishna 104 kilometer ki raftaar se car chala rahay they aur tez rafter car unke qaboo se bahar hotay hue Flyover se neechay giri jiski wajah se ek khatoon mauqa haadsa par hi halaak hogayi. is waqea ke baad la-parwahi se gaadi chalanay ka muqadma darj karne ke alawa surkh karke driver ke khilaaf chalaan bhi jari kardiya gaya hai. police ne ibtidayi report mein ye bhi kaha hai ke khadsha zahar kiya ja raha tha ke ye maizn noshi mein ki jaaney wali driving hai lekin is par hatmi faisla driver ke khoon ke namoonay haasil karne aur iski report ki bunyaad par kiya jayega. –YTN STAFF