New Delhi : Anurag Kashyap ki hidaayat mein bani bollywood ki film ”Gangs of Waseypur “ko The Guardian mein 21 sadi ki 100 sab se behtareen filmoun ki fehrist mein shaamil kiya gaya hai.
Is fehrist mein Gangs of Waseypur wahid hindustani film hai. mazkoorah film ke hidaayat car Anurag Kashyap nay haftay ke roz instagram par elaan kiya ke ” Gangs of Waseypur nay is fehrist mein 59th muqam haasil kiya hai.
Wazeh ho ke ” Gangs of Waseypur series ki filme 2012 mein release hui theen. is mein Jharkan ke Dhunabad zila ke waseypur shehar mein abad koyla mafia ke kumba ki kahani dikhayi gayi hai.
Dono filmoun ko shaiqeen nay kaafi pasand kiya aur yeh box office par bhi hit rahi. is film mein Manoj Bajpayi, Nawaz uddin Siddiqui , piyush mehra aur Richa chadda jaisay adakaroun nay kaam kiya hai. –YTN STAFF