Mumbai : Dabangg Salman Khan ki eid ke mauqa par release film Bharat ney box office par 150 crore rupay ki kamaai karli hai. Ali abbas Zafar ki hidaayat mein bani is film mein Salman Khan Katrina Kaif ki jodi ek martaba phir shaiqeen ki daad wa tehseen haasil karne mein kamyaab hui hai. eid ke din 5 June ko yeh film release hui thi. is ney apni release ke pehlay haftay mein 95 crore ka ka karobar kiya tha. Salman Khan Katrina kaif ki film Bharat box office par musalsal kamaai karti jarahi hai. film ko shaiqeen ka bharpoor pyar mil raha hai. apne chouthay din film ney 27 crore aur panchwin din 27 crore 90 laakh ka kaarobar kiya. isi ke sath film Bharat ka jumla kaarobar 150 crore 10 laakh hogaya hai .
Is saal release hui filmon mein Bharat se pehlay Uri The surgical strike, Total Dhamaal aur kesari ney box office par 150 crore se ziyada ki kamaai ki hai. Salman ney film Bharat mein kuch alag andaaz apnane ki koshish ki hai. film Bharat na sirf 1 shakhs ki kahani hai balkay is ke zareya mulk mein aati tabdeelian aur is ke badlay tour par tareeqon par bhi roshni daali gayi hai. film ki kahani ek aisay khandan ki kahani hai jo Hindustan Pakistan ki taqseem mein alag hojata hai. film ko overseas mein mila kar chay hazar se ziyada screens par release kiya gaya hai. yeh film Korean film An Ode To My Father ki hindi remake hai. film mein Salman Khan aur Katrina kaif ke alawa disha patani, tabbu, sunil grover aur Jackie shroff bhi ahem rule mein hain . –YTN STAFF