Kanpur ( Uttar Pradesh ): Uttar Pradesh ke Fatehpur zila ke Ubipur gaon mein 14 decemeber ko aag lagnay se jal jany wali ismatdari ki shikaar ladki ne jumaraat ki subah yahan Lala lajpat Rai Hospital mein ilaaj ke douran dam toad diya. Mobayyana tor par is ke sath iske Chacha ne ismatdari karne ke baad usay aag lagadi thi. Jisay giraftar kiya gaya hai.
90 feesad jhulas jany wali 18 sala mutasirah ladki ko haftay ki shaam Kanpur ke hospital mein daakhil karaya gaya tha aur iski haalat tashweesh-naak bani huvi thi. Kaseer Azoo ki nakami ( Multi Organ Failure ) ki wajah se iski mout hogayi.
Mutasirah ladki haftay ke roz apne ghar mein akeli thi is waqt iske chacha ne aakar is ke sath zayad-ti ki. Jab is ne muzahmat karne ki koshish ki to chacha ne is par matti ka tail daal diya aur usay aag laga di. Ladki aag lagnay ke baad ghar se bhagee, Iske padosi aag ke shuloun ko bujhanay ke liye daud pade. Aur unhoun ne police ko bhi is ki ittila di.
Mutasirah ladki ke waalid ne bataya ke 25 sala mulzim ladki ke daur ke rishta ka chacha tha. Mutasirah ladki ke bhai ki shikayat par FIR darj ki gayi thi. Herat ki baat ye hai ke apni pehli shikayat mein, Mutasirah ladki ke bhai ne daawa kiya hai ke ismatdari ke baad ladki ne khud ko alehda kar. liya tha, Lekin doosri shikayat mein isne chacha par ilzaam lagaya ke isne usay aag lagadi.
Jabkay mutasirah ke waalid ka kehna hai ke mulzim ne ladki ki ismatdari ki aur jab isne ghar waloun ko batanay ki dhamki di to isne usay aag lagadi“. District Magistrate Sanjeev Singh ne media ko bataya ke mutasirah ladki ke, Guzashta 2 saloon se Chacha ke sath taluqaat they. Haftay ke roz panchayat talabb ki gayi thi aur dono ko panchayat membroun ne ek dosray se allag rehne ko kaha tha. District Magistrate ne bataya ke ”Ladki ke walidain aur Chacha ki mojoodgi mein ye faisla kiya gaya tha ke, Jab tak ladki ki shadi nahi hojati, Chacha gaon se daur hi rahay ga. -YTN STAFF