New Delhi : Solicitor general Tushar Mehta ne peer ko Supreme court ko aagah kiya ke Maharashtra mein Devendra Fadnavis hukoomat ko 170 arakeen assembly ki himayat se ewaan mein aksariyat haasil hai. markazi hukoomat ki janib se paish hue mehta ne adalat ko bataya ke hafta ki subah Maharashtra mein BJP ki Fadnavis hukoomat saazi ke khilaaf Shiv sena. congress aur sharad pawar ki NCP ( NCP) ki Darkhwast par samaat ke douran BJP NCP ke MLA ki himayat ke khat lekar aayi, jis par governor ne faisla kya“ .
Mehta ne kaha ”Dastaweezt se pata chalta hai ke NCP rehnuma ajeet pawar ne apne dastakhat ke sath 54 NCP ke arkaan-0e-assembly ki himayat ka khat governor ke hawalay kiya“.
Unhon ne kaha ke ”22 November ko Ajit pawar ke himayat ke khat mutabiq, Fadnavis ne hukoomat bananay ka daawa kia tha, jis mein 11 azad umeedwaar aur deegar arkaan assembly ke himayati khat bhi shaamil hain. 288 rukni ewaan assembly mein BJP ne 105 MLA hain, NCP ne 54 nishiston par kamyabi haasil ki hai. BJP ne daawa kiya ke usay 11 azad arkan aur deegar ki himayat haasil hai. aur is tarhan is ki tadaad 170 hogayi.
Mehta ne kaha ke ”phir governor ne sadar ko ek notice bhijwaya. is maloomat ka hawala dete hue, unhon ne riyasat mein sadar ki hukmarani ko mansookh karne ki Darkhwast ki. –YTN STAFF