Mumbai: Bhartia Janata Party ke liye ek badi siyasi shikast hai ke, Maharashra ke wazeer-e-Aala Davindra Fadnavis ne mangal ke roz Maharashra ke wazeer-e-Aala ke ohday se istifa dainay ka elaan kiya. sath hi NCP rehnuma ajeet Pawar ne bhi hafta ki subah naib wazeer-e-Aala ki hesiyat se halaf lainay ke 80 ghantoun ke baad hi mangal ke roz apne ohday se istifa day diya.
Davindra Fadnavis ne mangal ki sah pehar Press Conference mein kaha ke Ajith Pawar ne aaj mujhe apna istifa mujhe saump diya. lehaza, hamaray paas hukoomat ko jari rakhnay ke liye matlooba aksariyat nahi hai, is liye mein apne ohday se istifa day raha hon. Fadnavis ne kaha ke mai aaj Governor mulaqaat karoon ga aur apna istifa pesh karoon ga.
Is terhan Fadnavis hukoomat mulk mein doosri kam dinon wali hukoomat saabit hui. ab Shive Sena. NCP aur Congress ki hukoomat saazi ke liye rasta saaf ho gaya hai.
Press Conference ke douran Fadnavis ne kaha ke Maharashra ke awam ne BJP ko Mandete diya tha, lekin Shive Sena ne is ki tauheen ki. aur NCP aur Congress se baat cheet shuru kar di. Fadnavis ne Shive Sena. NCP aur Congress ittehaad wali hukoomat ke talluq se kaha ke teen phaiyoun wali hukoomat ziyada dinon tak nahi chalne wali hai“.
Unhoun ne kaha ke BJP Oppostion mein baith kar tameeri andaaz mein kaam keregi. aur kisanon, ghareeboun aur muashray ke dekar tabdaat ke masail uthaye jayenge.
Fadnavis ne wazeer-e-Aazam Narendra Modi, BJP sadar aur markazi wazeer-e-dakhla Amit Shah , un ke sathiyoun aur arkaan Assembly sameit, Maharashtra ke awam ka shukriya ada kiya ke unhoun ne un par aetmaad kiya aur inhen guzashta 5 saloon tak khidmat karne ka mauqa diya.
Hafta ki subah Raj Bhavan mein Fadnavis aur Ajith Pawar ke halaf lainay ke baad, 80 ghanton mein ye dosra mauqa hai, jab riyasat Maharashra mein hungama barpaa huwa hai. – YTN STAFF