Cairo: Ek Misri ladki ko Facebook par shadi ki pesh kash karne par mulazimat se bar tarf kar diya gaya hai. Misri akhbar Al Youm Al Sabah ke mutabiq 32 sala Facebook star Maha Osama ney kaha hai ke mujhe mulazimat se bar tarf kar diya gaya hai, Wajah ye bataaye ja rahi hai ke mein ney munasib rishte ke liye Facebook par shadi ki pesh kash ki thi.
Is se qabal maha ney apne Facebook page par live video mein kaha tha mera naam Maha Osama hai, Meri Umar 32 saal hai, Mera abhi tak rishta nahi huwa, Mein haq halal tareeqay se shadi karna chahti hon, Is maqsad ke liye mujhe kisi munasib rishtay ki talaash hai.
Apne video pegham mein unhoun ne kaha ke mujhe andaza hai ke mera ye iqdaam aasaan nahi, Mujhe rishta daaroun aur muashray se bhi kayi masail ka saamna ho sakta hai. Unhoun ne kaha ke mujh se sirf sanjeeda loog rabita karen, Jo aadmi shareef Al-nafs ho, Khud kamata ho aur rishte ki talaash mein ho wo mujh tak poanch jaye ga.
Doosri taraf Facebook star ko mulazimat se bar tarf karne wali company ki intizamia ne kaha hai ke mazkoorah mulazim muashray ke Musalmah usooloun ki khilaaf warzi karte huve company ki badnami ka baais bani hain jis par karwai karte huve inhen mulazimat se bar tarf kar diya gaya hai.