Hyderabad : AIMIM ke sadar wo rukan-e-parliment hyderabad Asaduddin owaisi ne European union ke membraan parliment ke Kashmir ka doura karne par, modi hukoomat ko nishana banaya. owaisi ne kaha ke ”ye kon log hain? inhen kyun bulaya gaya hai? musalmanoun se nafrat karne walay aur hitler ko chahanay walon ko bulaya gaya hai “.
Unhon ne kaha ke ”ye koi sarkari wafad nahi hai. jab koyi sarkari wafad moujood nahi hai to kyun bulaya gaya hai . un mein se bohat se membraan parliament, jo Hitler ko chahtay hain, fa shist hain. aap inhen apna dost maan rahay hain, aakhir aap duniya ko kiya bata rahay hain? aur aap mulk ko kiya paegham dey rahay hain aap kashmirion ko kiya paegham derahay hain? yeh hukoomat ko jawab dena hoga ke yeh kon log hain.
Isi douran, European arakeen parliment jo dora Kashmir par gaye they, unhon ne chaharshambe ko press conference ki aur apne doray ke baray mein uthaye gaye sawalaat ke jawabaat diye. un arakeen parliment ne kaha ke unke doray ko ghalat nuqta nazar se dekha gaya hai. woh yahan ke halaat jan-nay ke liye aaye hain, unhon ne kaha ke ”hamara siyasat se koyi lena dena nahi hai “. opposition jamaaton ke tanqeedi hamlon Paran arakeen-e-parliment ne kaha ke ”woh fashst nahi hain, agar woh fashst hotay to awam ne unka intikhab na kiya hota. –YTN STAFF