Thursday, May 16, 2024
HomeSliderEurope pareshan lekin Turkey mein Motor shoba taraqqi ki simt

Europe pareshan lekin Turkey mein Motor shoba taraqqi ki simt

Ankara: Europe mein saal ki pehli sah mahi arsa mein Motor gadiyoun ki farokht mein guzashta baras ke isi dorania ke muqablay mein kami waqay huvi hai to Turkey mein is ka rujhaan mukhalif simt raha hai jaisa ke Turkey mein gadiyoun ki farokht mein izafah huwa hai. Duniya ko apni lapait mein lainay walay COVID-19 waba ke iqtisadiat par manfi asraat Moter sanat mein bhi numaya honay lagey hain. Europi Moter sas mandi se haasil kardah jayzati Report ke mutabiq Europe Union aur Europi darri Trade Zone ke mumalik sameit Bartania mein is shobay mein 26.3 feesad ki sharah se mandi ka mushahida huwa hai. Is dorania mein 3 Million 54 hazaar gadiyaan farokht huven.

Italy is bohraan mein sare fehrist hai jahan par ye sharah 35.5 feesad hai. Is ke baad France ka number aata hai. Corona ki waba ne Europe mein Motor shoba ko bhorani soorat e haal mein pouncha diya hai lekin Turkey mein is sah mahi arsay mein Motor gadiyoun ki farokht mein 44.8 feesad izafah huwa hai jis ke mutabiq 3 mah mein 99 hazaar 630 gadiyaan farokht huvi hain.