Abu Dhabi: Abu Dhabi ki qaumi fazai service Etihad Airways ney yakam July se duniya ke 29 shehroun ke liye fazai service ka dobarah aaghaz karne ka elaan kiya hai jin mein Europe mumalik ke shehar shaamil hain. Media ke mutabiq Etihad Air ney apne Twitter Account par kaha hai ke coronavirus ke baais khidmaat band honay ke baad batadreej dobarah parwazein shuru ki jayen gi.
Airlines ne kaha hai ke parwazein yakam se 15 July ke darmain batadreej shuru ki jayen gi. 16 July se Airlines UAE ki hukoomat ke sath mil kar mazeed maqamat ke liye parwaazoun ka silsila bahaal kere gi. Deegar manziloun mein New York, Sydney, Manila aur Toronto shaamil hain.
Etihad Airlines ki janib se elaan kiya gaya hai ke jin musafiroun ney 31 August se 30 November 2020 tak kisi bhi maqam ke liye Etihad Air se booking karwa rakhi hai wo baghair izafi Fees ke safar ki tareekhen tabdeel karwa satke hain.
Wazeh rahay ke qabal azeen UAE ki janib se elaan kiya gaya tha ke aisay mumalik jahan coronavirus ke mamlaat kisi had tak kam ho gaye hain 23 June se ghair mulkioun ke liye parwazoun ki ijazat day di jaye gi.