Muzaffarpur: Behar ke Baksar mein esmatraizi ke baad nazar-e-aatish ki gayi mutasirah ladki ki raakh abhi thandhi bhi nahi hui thi ke Muzaffarpur mein Ahiyapur thaana ilaqay ke nazirpur Thane gaon mein aisa hi waqea pesh aaya hai, Jis mein police adalat se giraftar kiye gaye ahem mulzim ko remand par lainay ki appeal kere gi.
Muzaffarpur ke senior police ne kaha ke Nazirpur gaon mein haftay ki raat 23 sala mutasirah ke sath is ki padosi ne esmatraizi karne ki koshish ki lekin muzahmat karne ki wajah se jab wo apne maqsad mein kamyaab nahi huwa to is ne ladki ko zindah jala diya. Unhoun ne kaha ke mutasirah ka ilaaj Muzaffarpur ke sarkari dawakhana mein chal raha hai aur is ki haalat naazuk batayi jati hai.
Jai Kaant ne kaha ke is muamlay mein police ne fori tour par karwai karte hue ahem mulzim ko girftar karkay usay adalti hirasat mein bhaij diya hai. Is muamlay mein tafseeli tahaqeeq aur pooch tach ke liye police adalat se mulzim ko police remand par sonpe janay ki appeal kere gi.
Is douran police zaraye ne kaha ke Nazirpur gaon mein haftay ki raat ladki ko ghar mein akela dekh kar padosi ne is ki aabrorizi karne ki koshish ki. Muzahmat karne par is ne ladki ko aag lagadi. Mutasirah takreban 50% tak jal gayi hai. Usay Muzaffarpur ke sarkari dawa khane ke ICU mein rakha gaya hai. Doctoron ne mutasirah ki haalat kaafi naazuk batayi hai.
Wahein, primaray health center mein tainaat mutasirah ki maa ne kaha ke mulzim pichlle 3 saal se unki beti ko pareshan kar raha tha. Is ke istehsal ki dhamkioun se pareshan hokar unki beti ne college jana bhi band kardeya tha. Mutasirah un ki sab se chhoti beti hai. Jab mulzim ghar mein daakhil huwa tab wo akeli thi.
Mutasirah ki maa ne kaha ke esmatdarri ki koshish mein nakaam rehne par mulzim ne unki beti ko qatal karne ke iraday se usay jala diya. Maa ne ilzaam lagaya ke mulzim ke baap ka ilaqay mein kaafi dabdaba hai aur unke khandan ko kaafi dhamkiyan mil rahi hain. –YTN STAFF