Hyderabad : Wazeer-e-panchayat raj Errabelli Dayakar rao nay hafta ko BJP ke senior rehnuma Bandaru Dattatreya ko Himachal pradesh ke governor naamzad kiye jaaney par mubarakbaad di aur shaal poshi wo guldasta paish karte hue inhen Tahiniat paish ki.
Is mauqa par khitaab karte hue Dayakar rao nay kaha ke Bandaru Dattatreya saaf kirdaar rakhnay walay shareef shakhs hain. unhon nay kabhi bhi apne tabsaroun ya remarks se kisi ko takleef nahi di aur riyasat aur qoum ki mo-asar andaaz mean khidmat anjaam di.
Dayakar Rao ne Dattatreya ke roshan mustaqbil aur behtar sehat ki dua ki. wazeh ho ke Bandaru Dattatreya 11 September ko Himachal pradesh ke naye governor ki haesiyat se halaf lenge. –YTN STAFF