Hyderabad : Wazeer-e-panchayat Raj, Errabeli Dayakar rao ne aaj media ki un khabroun ko be bunyaad qarar dete hue mazammat ki hai ke jis mein inhen textile ki sanat ke kamon per kisi ko dhamki dainay ki baat kahi gayi hai. unhon ne kaha ke unhon ne kisi ko dhamki nahi di aur isse mutaliq media reporton mein koyi sachaai nahi hai.
Kuch media reports ke mutabiq, Dayakar rao ne wazeh kiya ke unhon ne kisi ko bhi sangeen nataij ki dhamki nahi di hai. unhon ne kaha ke Kakatiya mega textile park project site ka dora kiya aur sirf mutaliqa kamon se mutaliq daryaft kiya tha.
Unhon ne wazeh kiya ke jab kamon mein takheer horahee thi to mein ne project ke kamon mein taizi laane ke liye ek yakiya se poocha. unhon ne kaha ke hukoomat Warangal mein textile project ko mukammal karne ke liye pur azm hai. unhon ne mazeed kaha ke jab textile park operation chaalo hojayega, kapday ki pedawar ko farogh mileyga, dehi maeeshat ko badhawa aur muqami nojawanon ko rozgaar mileyga. –YTN STAFF