Istanbul : Istanbul mein sadar Recep Tayyab Erdogan ki tazheek karne ke ilzaam mein oppostion khatoon leader ko 17 saal qaid ki saza sunadi- tafseelaat ke mutabiq turkey ki oppostion se taluq rakhnay wali khatoon rehnuma ko hukoomat ke hawalay se tanqeedi Tweets karne par 17 saal qaid ki saza sunadi.
Ek report ke mutabiq is mauqa per sainkdoun log istanbul ki markazi adalat ke bahar saza Yafta rehnuma se izhaar-e akjahti ke liye jama hue. Turkey ke secular republican peoples party ki Istanbul shaakh ki sarbarah Canan-Kaftancioglu par saal 2012 se 2017 ke douran kiye gaye tweets mein sadar Recep Tayyab Erdogan ki tazheek karne ka ilzaam hai.
Yahan is baat ka tazkara bhi ahem hai ke Canan-Kaftancioglu ne istanbul ke no muntakhib mayor Ikram imam ki kamyabi mein intahi ahem kirdar ada kiya tha, jo guzashta 25 saal ke arsay ke douran Republican peoples party ke pehlay mayor hai. is zimn mein Ikram imam ne media se guftagu karte hue kaha ke janan kaftanjilo ko darasal’ siyasi mudakhlat’ samjha ja raha tha.
Adalat ka yeh faisla azaadi aur huqooq salb karne ki koshish hai mein hamesha unki himayat karoonga. doosri janib adalat ke bahar jama honay walay muzahireen ne hum insaaf ke mutlashi hain ke posters utha rakhay they aur fastaiyath ke sath neechay ke naaray buland kar rahay they. khayaal rahay ke oppostion rehnuma ne apni tweets mein tark sadar Recep Tayyab Erdogan ki muzammat ki thi. iske sath unhon ne 2013 mein ghazi park mein kiye gaye ehtijaj ke douran ansoogas ka shell lagnay se 14 saal ke noujawan ki halakat par inhen sakht tanqeed ka nishana banaya tha . –YTN STAFF