Riyadh: Saudi Arab ne England ke shehar Reading mein dehshat gard hamlay ki muzammat ki hai. Tafseelaat ke mutabiq guzashta roz England ke shehar mein chaaqo se hamlay ke douran 3 afraad halaak jabke 3 zakhmi ho gaye thay.
London ke shumal maghrib se 65 kilometer maghrib mein waqay Reading shehar ke park se is hamlay ke bad ek 25 sala mushtaba shakhs ko giraftar kiya gaya hai. Security zaraye ne kaha hai ke police ne jis 25 sala shakhs ko tehweel mein liya hai is ke talluq Libya se hai aur is ka naam khere Sadallah hai. Saudi Arab ne chhura ghonpne ke is dehshat gard waqea mein halaak aur zakhmi honay waloun ke ahal khanah aur Bartanwi wazeer e azam Boris Johnson aur awam se izhaar taaziyat kiya hai.