Dubai: UAE ne 23 June se shehrioun aur mulk mein muqeem ghair mulkioun ko beron mulk safar ki mashroot ijazat dainay ka faisla kiya hai. Emarati news agency ke mutabiq wifaqi Authority baraye shanakht aur shehriat ne kaha hai ke muntakhib a Stations ke liye safar ki sharait ka jald elaan kiya jayega.
Emarati shehrioun aur mulk mein muqeem ghair mulkioun ko un sharait aur tareeqakar ke mutabiq makhsoos Stations par jaaney ki ijazat hogi. Wizarat kharja, Wifaqi Authority baraye shanakht aur shehriat aur National Authority baraye Emergency aur Crisis and Disaster Managment ne mushtarqa bayan mein kaha hai ke elaan kardah sharait aur tareeqakar ke mutabiq makhsoos maqamat ke safar ki ijazat di jaye gi jin ki pabandi karna lazim hoga.
Ye sharait aur zawabit wizarat sahet ki taraf se corona waba ki wajah se peda honay walay halaat ke mutabiq jari kiye jayen ge. Hukoomat halaat ko mad-e-nazar rakhtay huve munasib stations ka elaan kere gi jahan ka safar mehfooz samjha sakta hai.