Dubai: UAE ne 22 May se sarkari shobay ke mulazmeen ke liye Eid Ul Fitr ki tatilat ka elaan kiya hai. UAE ki sarkari khabar-rasan Agency ke mutabiq Eid Ul Fitr ki sarkari tatelaat 26 May tak jari rahengi lekin abhi is ki tasdeeq nahi ki gayi hai kyunkay is ka inhisaar Ramadan Ul Mubarak ke ekhtataam par aindah qamri mahinay showal ke chaand ki royet par hoga. Sarkari elaan mein showal ki 3 tareekh ka zikar hai aur tawaqqa hai ke ye tareekh 26 May ko hogi. Is soorat mein sarkari shobay ke mulazmeen 22 May Jummay se 26 May mangal tak Eid ki chuttiyan haasil karenge.
Is elaan ka itlaq sirf sarkari shobay ke mulazmeen par hoga. UAE mein khangi shoba bil umoom sarkari tarikhoun ke mutabiq hi Eid ki chuttiyan karta hai. Taham khangi shobay ke mulazmeen ki chudiyoun mein do aik din ki kami-o-beshi bhi hosakti hai. –YTN STAFF