Hyderabad. State Election Commission ney riyasat mein qabl az-waqat intekhabaat ke ziman mein zila District Collector ke sath aik ijlaas munaqqid kiya. Yeh ijlaas Chief Electoral Officer Telangana Mr. Rajat Kumar ki sadarat mein munaqqid huwa. Rajat Kumar ney kaha ke riyasat mein qabl az-waqt intekhabaat ka ilm honay par Central Election Commission ki janib se yeh ijlaas talabb kiya gaya tha. Chief Electoral Officer ney kaha ke riyasat mein Assembly tahleel karne se Governor ke ittefaq ke baad hum ney Central Election Commission ko aagah kiya tha. Unhon ney kaha ke woh Mulk geer Election Schedule rakhtay hain. Ijlaas mein Electronic Voting Machine (EVM) aur Voter Verified Paper Audit Trail (VVPT) par shaoor beedar kiya gaya. Unhon ney yeh bhi kaha keElectoral List ko finalise karne ke baad hi intekhabaat ki tawareekh ka elaan kiya jaye ga. Telangana mein intekhabaat ke zimn mein Mr. Rajat Kumar peer ko Delhi rawana ho rahay hain taakay markazi Election Commission ke ohdedaron se tabadlah khayaal kar saken.